ابدأ بخطوة صغيرة ،ترا نفسك تستأهل انك تعزها .

الثقة بالنفس محد يقدر يبنيها لك غير نفسك. اعرف قيمتك، ومن أهم نقاط الثقة بالنفس إنك تؤمن بقدراتك وتطور نفسك حتى لو أخطأت مليون مرة.

وإذا كان فيك شغف إنك تغير من نفسك وتبني ثقتك، لازم توقف عن مقارنة نفسك بالآخرين؛ لأن المقارنة تخليك تركز على نقاط قوتهم وتنسى قوتك. لا تقارن نفسك إلا بنفسك، وشوف الأشياء اللي تطورت فيها.

ومن أهم النقاط برضو: اهتم بطريقة كلامك مع نفسك.

قدّر نفسك، ولا تقول <أنا فاشل>أو<أنا ما أقدر>، لأنك تقدر إذا تخلصت من تفكيرك السلبي. استبدلها بكلام واقعي وإيجابي، مثل: <ما نجحت المرة ذي؟ أنا أقدر أتعلم وأحاول مرة ثانية>.

لأن الكلام اللي تقوله لنفسك يوميًا يؤثر على نظرتك واحترامك لنفسك. تذكر دائمًا: إذا احترمت نفسك، الكل بيحترمك.

ومن النقاط المهمة واللي بتغيرك:

اهتم بنفسك من داخلك قبل خارجك.

نم نومًا كافيًا، واهتم بمظهرك حتى لو كنت في بيتك، مارس الرياضة، ونظّم يومك. أشياء بسيطة، لكنها تساعدك على النظر لنفسك بشكل أفضل.

والنقطة الأهم جدًا:

تعلّم تقول «لا»

مو لازم توافق على كل شيء عشان تكسب حب الناس. تعلّم تحط حدود، ورتّب أولوياتك، وقدّم نفسك على غيرك. احترم وقتك وراحتك بدون ما تقلل من الآخرين.

ابدأ بخطوة صغيرة ،ترا نفسك تستأهل انك تعزها 

وبالنهاية، أذكّرك إن الثقة ما تجي بيوم وليلة. لازم تبني ثقتك بنفسك، محد بيجي يبنيها لك. وبتتعلم من خلال تجاربك وأخطائك والقرارات الصغيرة اللي تتخذها كل يوم.