أنت مو مجبور تكون كامل عشان تقدر نفسك، توقف عن جلد ذاتك

​كلنا مرت علينا فترة نحس فيها إننا مو كفاية وإن غيرنا أفضل منا وإننا مهما حاولنا ما نوصل للمستوى اللي نبيه

لكن خلوني أقول لكم شيء مهم

مو كل فكرة تجي ببالك تكون حقيقة

كثرة المقارنة ومتابعة حياة الآخرين تخليك تشوف نفسك أقل منهم خصوصًا مع مواقع التواصل الاجتماعي اللي تخليك تشوف أجمل لحظات الناس وتنسى إن حياتهم مو كاملة وإن عندهم أيام صعبة مثل أي شخص ثاني

ولا تقارن بدايتك بمنتصف طريق شخص ثاني

لأن كل شخص له وقته وظروفه وطريقته بالحياة

ومن أكثر الأشياء اللي تتعب الإنسان إنه يلوم نفسه على كل خطأ وكأنه عدو لنفسه

إذا أخطأت انتبه تقول أنا فاشل أنا دايم أخرب كل شيء

بدلها اسأل نفسك وش أقدر أتعلم من اللي صار؟

نركز على نقطة مهمة وهي إن الخطأ ما يعني إنك شخص سيئ، يعني إنك إنسان يتعلم مثل غيرك

كلنا عندنا أشياء ما تعجبنا بنفسنا، لكن هل قد فكرنا بتطوير الأشياء اللي ما تعجبنا؟

طور نفسك ولا تخلي رغبتك في التطور تتحول إلى كره لنفسك

طور عادة بسيطة، تعلم مهارة جديدة، اهتم بدراستك وصحتك، واحتفل بتقدمك حتى لو كان شيء بسيط

ولا تنتظر مدح الناس عشان تعرف قيمتك

لأن قيمتك ما تتحدد برأي شخص فيك ولا بدرجة حصلت عليها ولا بعدد إنجازاتك

وبالنهاية أقول لكم لا تجلد نفسك على شيء تقدر تتعلم منه

لا تقارن نفسك بأحد وخلك مشغول ببناء النسخة اللي أنت تبيها من نفسك