التسويف يسرق أحلامك وانت تقول بكرة.

​موضوع اليوم عن التسويف، وهذا من أكبر الأسباب اللي تخليك ما توصل لهدفك بالطريقة اللي أنت تبيها

يعاني طلاب الجامعات والمدارس من التسويف بنسبة تتراوح بين 70% إلى 95%، مو أنت الوحيد اللي فيك صفة التسويف، لكن إذا أنت ما حاولت تتخلص منه فأنت تقريبًا الوحيد اللي بيستمر يسوف لين يوصل لمرحلة الفشل

التسويف مو دليل إنك كسول، يمكن يكون بسبب إن المهمة كبيرة وما تدري من وين تبدأ، لكن بنتخلص من الصفة هذي من خلال مقالنا لكم

أول خطوة لا تنتظر الحماس أو الشغف، لأن الحماس والشغف يجي بعد ما تشوف نفسك تنجز

ابدأ الآن وأطرد الأفكار السلبية

بإمكانك استخدام قاعدة الخمس دقائق، إذا عندك شيء مأجله احسب لنفسك خمس دقائق وابدأ فيه بدون ما تشاور نفسك وتعطي نفسك فرصة للتسويف

وأهم نقطة، واللي تسبب ملل بعد فترة، إنك تضغط نفسك بمدة معينة قصيرة

قسم مهامك إلى خطوات صغيرة، بدل ما تقول لازم تخلص كل شيء اليوم، قول ببدأ أول خطوة وبعدها أنتقل للي بعدها

والنقطة الأهم واللي تسببت بضياع أغلب الناس هي تشتيت الجوال أو أي أجهزة إلكترونية أخرى

إذا كان عندك شغل أو تذاكر حطه بعيد عنك، أو استخدم تطبيق Forest، تطبيق يحافظ على تركيزك ويقفل التطبيقات إلى بعد المدة اللي حطيتها لإنجاز مهامك

ولا تنسى تكافئ نفسك بعد ما تنجز الشيء حتى لو كان شيء بسيط، مثل كوب قهوة أو عمل شيء تحبه، لأنك لما تشوف نتيجة تعبك تتحمس تكمل

وأهم شيء لا تنتظر اليوم المثالي عشان تبدأ

تذكر دائمًا وأبدًا أن الإنجاز الكبير يبدأ بخطوة بسيطة